Stóra spurningin sem brennur á mörgum þessa dagana. Á ég að velja hefðbundið - eða á ég að velja Headless? Til að svara þeirri spurningu skulum við aðeins skoða muninn á hefðbundnu og headless vefumsjónarkerfi.

„Headless“ vefumsjónarkerfi er vefumsjónartól sem er um margt líkt vefumsjónarkerfum eins og við þekkjum þau flest nema að þau koma ekki tengd við neinn framenda. Eina eiginlega markmið vefumsjónartólsins er því að halda utan um efnið fyrir vefstjórnendur.

Í hefðbundnum vefumsjónarkerfum höfum við bæði svokallað „body“ og „head“ sem reiða sig hvort á annað. Body-ið er þá sá hluti vefumsjónarkerfisins sem heldur utan um efnið en head-ið sá hluti sem birtir efnið í vefviðmótinu/framendanum.

Head-ið og body-ið eru þannig tengd saman. Ef þú bætir við eða breytir efni í vefumsjóninni (body-inu) þá getur þú skoðað breytingarnar í framendanum (head-inu). Einfalt og gott, alveg eins og þú þekkir frá Umbraco, Wordpress eða öðrum vefumsjónarkerfum sem þú hefur unnið með.

En það er annað upp á teningnum þegar það kemur að Headless vefumsjónarkerfum, þar sem ekkert samband er á milli. Head-ið hefur verið klippt alveg út úr myndinni (hence, Headless) sem þýðir að eina sem stendur eftir er body-ið:

Við tengjum því head, eða mörg head, við vefumsjónina. Það gerum við með svokölluðum vefþjónustum (API). Head-ið kallar svo í Body-ið (vefumsjónina) með vefþjónustunum og birtir efnið.

Ein af mörgum góðum ástæðum fyrir að velja Headless er að þú getur stýrt efninu þínu miðlægt yfir mörg mismunandi viðmót.

Tökum sem dæmi að þú sért með vef, app og verslun. Þá getur þú uppfært upplýsingar þvert yfir öll þessi viðmót úr einu umsjónartóli.

Þú getur svo bætt fleiri hausum við eftir þörfum. En með vali á Headless ert þú ekki einungis að tryggja efninu þínu öruggan stað til framtíðar, þú ert að gefa teyminu þínu frelsi til að nýta hverja þá tækni sem þykir best til að skrifa notendaviðmótin.

Oft og tíðum geta hefðbundin vefumsjónarkerfi haldið aftur af vinnslu hönnuða og forritara.

Með því að skrifa hausinn sem sjálfstæða einingu og fæða hann svo af efni frá vefumsjónartólinu hafa viðmótsforritarar frelsi til að vinna sína vinnu óháða tækni sem annars gæti aftrað þeim.

Mundu að góð notendaupplifun verður að miklu til í viðmótinu, svo það er til mikils að vinna.

Þessari spurningu verður hvorki svarað hér né nú. Báðar lausnir hafa fullt af kostum. Við hjá Vettvangi vinnum með þau tól og þá tækni sem hentar best hverju sinni og leyfum tilgangi og markmiðum lausna sem við vinnum að.

Ef þú ert einfaldlega að hugsa um að búa til vefsíðu sem krefst ekki lausna utan þeirra sem hefðbundna vefumsjónarkerfið bíður þér, þá er þér líklega betur borgið í hefðbundnu vefumsjónakerfi.

En ef þú ert með krefjandi hönnun, mikla virkni, löng flæði eða vilt tryggja þína omni-samþættingu, þá gæti verið að Headless sé lausnin fyrir þig.

Hér á Vettvangi erum við bæði að vinna með aðstoð Prismic og Contenful.

Headless hentar vel fyrir vef Vettvangs þar sem við þurftum aukið frelsi og sveigjanleika til að þróa lausn sem myndi vekja athygli.

Það hefur hann sannarlega hefur gert enda fengið alþjóðlegar viðurkenningar Awwwards fyrir afbragðs sköpunargáfu og aðra fyrir afbragðs útfærslu og hraða í snjalltækjum.

Hann var jafnframt tilnefndur til vefverðlauna í flokki miðlungsstórra fyrirtækja.

Langar þig að ræða möguleikana? Við erum alltaf til í gott vefspjall.