Veldisvöxtur í vefverslun Innnes

Stafræna byltingin er á blússandi siglingu. Gamla hag- og tæknikerfið er að syngja sitt síðasta. Við á Vettvangi erum stödd mitt í hvirfilbylnum og syngjum með.

Nýja kerfið byggir allt á stafrænni tækni, sjálfvirkni og sjálfsafgreiðslu, bæði á neytenda- og fyrirtækjamarkaði - og hjá hinu opinbera.

Það er ljóst að gríðarlegir möguleikar til hagræðingar eru til staðar. Og margir samstarfsaðilar okkar hafa sannarlega nýtt þá.

Einn þeirra er heildsölurisinn Innnes, sem við höfum unnið náið með undanfarin ár að þróun stafrænna innviða og lausna.

Árið 2018 námu viðskipti í gegnum vefverslun á fyrirtækjasviði (sala til mötuneyta, hótela, veitingahúsa og fleira) um 2% af heildarveltu sviðsins.

Sama ár setti Vettvangur nýjan vef í loftið fyrir Innnes, sem byggði á metnaðarfullum markmiðum fyrirtækisins fyrir stafræna þróun. Lykilþættir þar, auk yfirhalningar á öllu ytra viðmóti og samþættingar við innri kerfi var ný og öflug vefverslun. 

Vefsalan tók strax mikinn kipp á næstu mánuðum og nam 2019 14% af veltunni, sem var sjöföldun frá árinu áður.

Hlutdeild vefverslunar hefur svo haldið áfram síðustu ár í takt við stöðuga þróun og ýmsar uppfærslur, meðal annars

• bætta leitarvirkni, þar sem hægt er að setja í körfu beint út leitinni
• hraðpantanir til að flýta fyrir afgreiðslu
• nýtt sölumannaviðmót
• rafræn auðkenni, reikninga- og hreyfingayfirlit
• nýja notendastýringu

2022 kom svo út nýr og uppfærður vefur með fjölmörgum nýjungum. Viðmót var allt tekið í gegn og innri og ytri vefur voru sameinaðir í einn heildstæðan vef. Notendaupplifun var stórbætt með betri vöruupplýsingum og meiri vinnsluhraða.

Til að gera langa sögu stutta (sem er kannski of seint) var vefsala Innnes 2022 komin í 51% af heildarveltu fyrirtækjasviðs og hafði aukist hlutfallslega um 55% milli ára.

Á bak við þessar hlutfallstölur eru háar fjárhæðir og gríðarmargar pantanir enda er Innnes meðal allra stærstu fyrirtækja á íslenskum matvælamarkaði.

Innnes hefur náð miklum árangri á sinni stafrænu vegferð, sem er þó hvergi nærri lokið. 

Þessar miklu sviftingar eru nefnilega í góðum takti við árangur sem aðrir samstarfsaðilar okkar hafa náð á undanförnum árum. Þar eru framarlega fyrirtæki eins og Domino’s og Epli, og stofnanir eins Hugverkastofan og Heilsuvera.

Hvar er fyrirtæki þitt statt á sinni vegferð?